Антетокуомпо не можеше против Кливленд, Сакраменто ја „реши“ Оклахома! - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42
Фудбал
23/11/2017 19:31

Антетокуомпо не можеше против Кливленд, Сакраменто ја „реши“ Оклахома!

Антетокуомпо не можеше против Кливленд, Сакраменто ја „реши“ Оклахома!

Кошаркарите на Кливленд славеа против Милвоки со 124-119 во синоќешниот дуел од НБА лигата,

Кливленд одлично го почна мечот, но Милвоки во вториот период се врати во игра и го презеде водството, за да сепак во финишот Кевин Лав и Леброн Џејмс преземат се во свои раце за конечна победа.

Кевин Лав мечот го заврши со 32 поени и 16 скока, додека Леброн постигна 30 поени, дополнети и со осум скока и девет асистенции. Кај Милвоки најефикасен беше Јанис Антетокуомпо со дури 40 поени, а Мирза Телетовиќ за 16 минути на паркетот постигна исто толку поени.

Сакраменто ја прекина серијата од седум врзани порази и победи во дуелот со Оклахома со 94-86. Кингси до победата дојдоа со пресврт, во уште една солидна партија на Богдан Богдановиќ. Најефикасен во победничкиот тим беше Бади Хилд со 21 поен, а Рендолф дополни со 18 поени.

Кај Оклахома повторно затаи ударната тројка, Вестбрук-Ентони-Џорџ, а која во Сакраменто погоди само 15 шута од вкупно 58. Расел заврши со 20 поени, 12 скока и 6 асистенции, а Ентони имаше 16 поени.

Њујорк никс славеше на домашен терен против Шарлот со 118-113, за трета победа во низа, а вкупно шестта сезонава. За Шарлот, пак, ова беше трет врзан пораз во низа.

Домашните до победата ги водеше одличниот Летонец, Кристос Порзингис со 28 поени, додека Мекдермот заврши со 20 поени.

Од останатите синоќешни резултати, Њу Орлеанс победи со Индијана со 117-112, Далас беше подобар кај Вашингтон со 113-99, а Торонто од Чикаго со 119-114.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.