Академија Пандев: Срамно.... Судијата Стојчевски ги пцуеше Дориев и Пандев во Кратово! - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
20/11/2017 12:12
Кошарка
20/11/2017 11:26
Кошарка
20/11/2017 10:23
Фудбал
19/11/2017 21:29

Академија Пандев: Срамно…. Судијата Стојчевски ги пцуеше Дориев и Пандев во Кратово!

Академија Пандев: Срамно…. Судијата Стојчевски ги пцуеше Дориев и Пандев во Кратово!

Академија Пандев денеска загуби во Кратово со 1-0 на гостувањето против Силекс во првиот натпревар од осминафиналето во Купот на Македонија.

Меѓутоа, од прволигашот од Струмица се незадоволни од делењето на правдата на дуелот реагирајќи, како што велат, поради срамното судење на главниот судија Игор Стојчевски.

„Иако нашиот клуб секогаш причините за поразот ги бара во сопствените редови, не можеме да поминеме преку делењето на правдата на главниот судија Игор Стојчевски. Не само што неоправдано му додели црвен картон на нашиот фудбалер Давид Атанаскоски и на претставникот на клубот Југослав Тренчовски, туку по натпреварот со пцовки ги испрати македонскиот репрезентативец Љупчо Дориев и капитенот Сашко Пандев. Раководството на Академија Пандев ќе бара прегледување на снимката пред релевантни фактори во ФФМ бидејќи смета дека судењето на Стојчевски беше крајно тенденциозно. Не сакаме да помислиме дека тој имал намера или инструкции за такво делење на правдата“ – се вели во реакцијата по мечот од канцеларијата на Академија Пандев.

Реванш натпреварот меѓу двата тима во Струмица се игра на 18. октомври.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.