Албанците одлични во Израел, „аѕурите“ убедливи против Лихтенштајн

Албанските репрезентативци со одлична партија стигнаа до цел плен на гостувањето против Израел, триумфирајќи со 0-3 и израмнувајќи се со Израелците на третото место во групата Г. Гостите знаеја како да ги искористат своите шанси, па од петте удари кон противничкиот гол три пати се запишаа меѓу стрелците. Садику беше човекот на одлука со два гола во првото полувреме (22. и 44. минута), пред Мемушај да ги постави конечните 0-3 во второто полувреме.

Sadiku Goal HD Israel 0 – 1 Albania 11-06… by Yuko-3
0-2 Armando Sadiku Goal HD – Israel 0-2 Albania… by kivancyildirim791
Ledian Memushaj Goal HD – Israel 0-3 Albania… by brilche

Италија очекувано лесно стигна до цел плен на домашен терен против Лихтенштајн, славејќи со убедливи 5-0 против аутсајдерот во групата. Гостите одолеваа на налетите на „аѕурите“ во првите триесетина минути, по што нивниот отпор го скрши Лоренцо Инсиње со прекрасен погодок. Вторите 45 минути беа рутина за „аѕурите“, кои со головите на Белоти, Бернардески, Габиадини и на Едер стигнаа до нови три бода во пресрет на дербито на групата против Шпанија.

All Goals & highlights HD – Italy 5-0… by Livee1Goals

Резултати: Македонија – Шпанија 1-2, Италија – Лихтенштајн 5-0, Израел – Албанија 0-3.

Табела: Шпанија 16, Италија 16, Албанија 9, Израел 9, Македонија 3, Лихтенштајн 0.

Се вчитува...