Напачот Марјан Алтипармаковски ја заврши авантурата во хрватскиот клуб Интер Запрешиќ. Тој ги договори речиси сите детали со раководството на „романтичарите“ за да се врати во клубот од Дебар Маало и од понеделник треба да се приклучи на својот старо-нов тим. Ова го потврдува и претседателот на Работнички, Драган Поповски.
„Алтипармаковски се враќа во Работнички. Со него е постигнат начелен договор, остануваат да се расчистат уште некои детали, и тој официјално повторно да биде член на Работнички. Очекуваме од понеделник да се приклучи на тимот и сигурно дека како повратник во клубот ќе биде значајно засилување за нашиот состав“, вели за ЕКИПА, претседателот на Работнички, Драган Поповски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
