Андреа Пенезиќ го продолжи договорот со Вардар - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
26/05/2017 16:51
Ракомет
25/05/2017 21:10
Коментари
25/05/2017 18:53
Фудбал
25/05/2017 14:47

Андреа Пенезиќ го продолжи договорот со Вардар

Андреа Пенезиќ го продолжи договорот со Вардар

Хрватската репрезентативка Андреа Пенезиќ останува во дрeсот на Вардар и во наредната сезона. Македонскиот шампион денеска го официјализира новиот едногодишен  договорот со Пенезиќ, до крајот на наредната сезона.

Пенезиќ е најдобар стрелец во Вардар во Лигата на шампионите со 53 гола со кои моментно е на петтото место на голгетерската листа во ЛШ. Заедно со Андреа Лекиќ се ударната сила на „цревено-црните“ на бековската линија и остануваат на таа позиција и во идните планови на Вардар.

Задоволна сум, и самиот факт дека три сезони сум тука укажува на тоа. Мислам дека и клубот е задоволен од моите настапи, и сметам дека во иднина заедно ќе постигнеме уште подобри резултати. Вардар е одличен клуб кој нуди многу добри услови за постигнување на добри резултати и немав дилема околу останувањето“ – изјави Андреа Пенезиќ за клупскиот сајт на Вардар.

Хрватската репрезентативка во Скопје дојде во 2014 година од Крим Меркатор за кој настапуваше од 2010 до 2014. Пред тоа беше дел од екипите на Подравка и на Локомотива Загреб.

Пенезиќ е петтата ракометарка од актуелниот состав на Вардар со која македонскиот шампион ја продолжува соработката и за наредната сезона. Пред Пенезиќ нови договори со „црвено-црните“ потпишаа Андреа Лекиќ, Андреа Кликовац, Татјана Хмирова и Барбара Лазовиќ. Ново име во составот на вардарки за следната сезона, засега официјално останува само пикерот на Будуќност, Драган Цвијиќ.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.