Баерн раздрман по изјавата на Левандовски: Тогаш, нека си оди во ПСЖ! - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/09/2017 17:32
Фудбал
20/09/2017 15:30
Ракомет
20/09/2017 13:46
Кошарка
19/09/2017 18:29

Баерн раздрман по изјавата на Левандовски: Тогаш, нека си оди во ПСЖ!

Баерн раздрман по изјавата на Левандовски: Тогаш, нека си оди во ПСЖ!

Полскиот напаѓач Роберт Левандовски ја критикуваше трансфер политиката на Баерн Минхен, истакнувајќи дека клубот треба да носи фудбалери од топ класа, а не некои просечни играчи.

Левандовски испрати серија критики кон челниците на клубот, по што следеше реакција од претседателот Карл Хајнц Румениге кој потенцираше дека Левандовски ќе има работа со него лично поради неодмерените изјави.

„Левандовски сигурно посакува трансфер во ПСЖ, но сигурно не заборавил дека игра во Баварија и дека заработува многу пари. Жал ми е што разговараме на овој начин. Но, кој ќе се одлучи јавно да го критикува клубот ќе мора да се соочи лично со мене и тоа да го каже“ – вели Румениге.

Изјавата на Левандовски дека на Баерн му треба свежина и мора да почне да привлекува врвни фудбалери не му се допадна и на легендата на клубот, Стефан Ефенберг.

„Левандовски не смее да дава такви изјави во јавност. Баерн не троши како ПСЖ и Барселона, и повторно има врвни фудбалери. Во овој момент целта е да се развијат што повеќе талентирани домашни фудбалери. Ако на Левандовски не му се допаѓа тука нека си оди во ПСЖ кај ‘ѕвездите’“ – истакна Ефенберг.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.