Баерн Минхен продолжува со серијата добри резултати во Бундес-лигата, откако актуелниот првак славеше на гостувањето против Вердер со 1-2. Баварците работата ја завршија во финишот од првото полувреме, откако Робен со фантастичен удар од петнаесетина метри го отвори резултатот, пред Алаба со еврогол од слободен удар да зголеми на 0-2. Домаќините во вториот дел успеаја да го совладаат Нојер, но и тоа се покажа премалку за да се стигне до позитивен резултат противв шампионот.
Лајпциг продолжува да им дише во врат на баварците откако новиот прволигаш славеше против Хофенхајм со 2-1, останувајќи на „минус три“ зад лидерот. Хофенхајм прв поведе со голот со Крамариќ, но Лајпциг покажа карактер и целосно го сврте резултатот во своја полза со погодоците на Вернер и на Сабицер. Мора да се истакне и дека Хофенхајм последните триесет минути ги играше со фудбалер помалку по исклучувањето на Вагнер.
Најубедливата победа ја забележа Келн, кој како гостин го декласираше составот на Дармштад со 1-6, додека Волфсбург како домаќин загуби од Аугсбург со 1-2, иако „волците“ први поведоа преку Марио Гомез.
Резултати Германија:
Вердер – Баерн М. 1-2, Дармштад – Келн 1-6, Инголштад – Хамбургер 3-1, Лајпциг – Хофенахјм 2-1, Волфсбург – Аугсбург 1-2.
Arjen Robben Goal HD – Weder Bremen 0-1 Bayern… by riqezi
David Alaba Goal HD – Werder Bremen 0 – 2… by jahjahashani
RB Leipzig 1 – 1 Hoffenheim ALL GOALS by live-football3
Marcel Sabitzer Goal HD – RB Leipzig 2… by claytonashurst
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
