Барса не може ниту до Дембеле: Ново НЕ од Дортмунд - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
17/11/2017 20:24
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55

Барса не може ниту до Дембеле: Ново НЕ од Дортмунд

Барса не може ниту до Дембеле: Ново НЕ од Дортмунд

Фрустрирачки е овој период за фановите на Барселона, откако управата на клубот не успеа да доведе ниту еден нов фудбалер по продажбата на Нејмар во ПСЖ. Поразот за Филипе Кутињо е речиси официјален, а според последните информации каталонците не успеваат да дојдат ниту до Осман Дембеле, уште еден играч кој се наоѓа при самиот врв на листата со желби на тренерот Валверде

Каталонците се пофалија дека денеска испратиле понуда од 130 милиони евра, што се очекуваше да биде доволна за францускиот офанзивец да дојде на „Камп ноу“. Сепак, германските и шпанските медиуми веднаш објавија дека Борусија експресно ја одбила оваа понуда. Причината е очигледна, како што се ближи крајот на преодниот рок така и нервозата кај каталонците е се поголема, а германскиот клуб се обидува да го искористи тоа – дополнително кревајќи ја цената на својот незадоволен фудбалер.

Пораката од Дортмунд до Барселона била дека Дембеле чини 150 милиони евра, па сега на потег се каталонците. Дополнителен притисок за управата на клубот е што ниту Лео Меси нема потпишано нов договор, туку чека да види како ќе се одвиваат работите до крајот на преодниот рок, нешто што може да биде огромен проблем за Барса поради фактот дека неговиот актуелен договор истекува за една година.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.