Манчестер сити слободно може да биде оквалификуван како прв четвртфиналист во Лигата на шампионите откако „граѓаните“ вечерва со импресивна партија на гостински терен го декласираа Базел со 0-4.
Фаворитската улога несекогаш е лесна за оправдување, но избраниците на Пеп Гвардиола вечерва тоа го сторија со стил, доминирајќи цели 90 минути и правејќи го реваншот обична рутина на патот до следната рунда. Сите дилеми беа разрешени уште во првото полувреме, во кое „граѓаните“ поведоа со 0-3, откако Гундоган ја отвори серијата голови, а се надоврзаа Бернардо Силва и Агуеро.
На 0-4 во второто полувреме зголеми Гундоган со својот втор погодок, а убедливата предност му овозможи на Гвардиола да одмори дел од своите клучни играчи за претстојните предизвици што го очекуваат Сити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
