Лидерот во Втората лига – Исток, струмичка Беласица денеска го одигра првиот свој пријателски натпревар по стартот на зимските подготовки, ремизирајќи во Струмица со Каменица Саса (1-1).
Стрелец на единствениот гол за Беласица на тестот беше Никола Божинов.
За струмичани ова беше и прва можност за тест на дел од петте нови фудбалери кои ќе бидат засилување за тимот за пролетниот дел од шампионатот, а кои беа промовирани со стартот на подготовките.
Беласица во пролетната полусезона ќе биде освежена со досегашниот капитен на штипска Брегалница, Горан Здравков. Од Брегалница пристапија уште дефанзивецот Александар Василев како и Томе Јанев, а нови фудбалери се 37-годишниот голман Горан Пашовски како и 20-годишниот Мартин Мирчевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
