Бизнис-лига: ЕЛЕМ и Рамстор во полуфиналето - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
20/07/2017 22:25
Кошарка
20/07/2017 22:38
Фудбал
20/07/2017 19:53
Фудбал
20/07/2017 18:53

Бизнис-лига: ЕЛЕМ и Рамстор во полуфиналето

Бизнис-лига: ЕЛЕМ и Рамстор во полуфиналето

Со денешните две средби и дефинитивно беше заокружено четвртфиналето во Бизнис-лигата, а место во полуфиналето обезбедија екипите на ЕЛЕМ и на Рамстор.

Ничевски човек на одлука во победата на ЕЛЕМ над Уника

ЕЛЕМ 4-4(2-2) Уника (8-7 по пенали)

ЕЛЕМ: Диме Милевски 7’ Антонио Ничевски 17’ 34’ Влатко Петровски 24’ | Антонио Ничевски (п) Димче Димитријески (п) Влатко Петровски (п) Синиша Ковачевиќ (п)

Уника: Ибиш Мисини 10’ Шабан Чупи 12’ Бесим Нухиу 26’ Арбен Нухиу 27’ | Арбен Нухиу (п) Бесим Нухиу (п) Шабан Чупи (п)

elem unika1

Дерби натпревар одиграа екипите на ЕЛЕМ и Уника. Во исклучително брз и атрактивен фудбал во кој изобилуваше неизвесноста силите ги одмерија екипите на Уника и ЕЛЕМ. Прв до водство дојде ЕЛЕМ преку Диме Милевски кој го отвори овој натпревар, но екипата на Уника го имаше Ибиш Мисини во своите редови кој по неполна минута успеа да израмни на 1-1. Во остатокот од полувремето се водеше крајно израмнета борба во која и двете екипи успеаа да постигнат уште по еден гол и ова полувреме го завршат со израмнет резултат 2-2. Во второто полувреме екипата на Уника успеа да стекне резултатска предност но ЕЛЕМ во своите редови како голман играч го имаше Антонио Ничевски кој имаше своја вечер не само што успеа да одбрани неколку клучни шутеви кон голот, туку и постигна два погодоци со што го одведе својот ЕЛЕМ во пенал завршница. По изведувањето на пеналите Антонио Ничевски кај ЕЛЕМ успеа да одбрани два пенали и му даде простор на Синиша Ковачевиќ да го одведе ЕЛЕМ во Ф4 фазата.

Рамстор воден од многубројната публика ја совлада Систина за Ф4

Рамстор 4-3(2-2) Систина

Рамстор: Ибрахим Бекир 10’ Ведат Арслан 16’ 34’ Авни Воша 21’

Систина: Игор Ѓорѓиевски 17’ 30’ Никола Трајковски 19’

ramstor slavi so sistina

Последниот полуфинален дуел од Ф8 фазата го одиграа екипите на Рамстор и Систина. Во првото полувреме екипата на Рамстор беше прва која ја превзеде иницијативата водена од својата многубројна публика успеа да дојде до резултатска предност од 2-0. Екипата на Систина ги консолидираше своите редови и со одличен напад успеа да израмни на полувремето за 2-2. Во второто полувреме екипата на Рамстор потпирајќи се на индивидуалните квалитети успеа да стекне предност која Стистина се обидуваше да ја стигне во текот на целото второ полувреме. Во последните три минути тренерот на Систина Амел Аломеровиќ во своите редови внесе голман играч како би го израмнил резултатот, но Рамстор не го дозволи тоа па го доби овој натпревар со 4-3.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.