Боби Милевски разрешен, Никола Илиевски – Џиџи нов тренер на Вардар! - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
5/12/2016 20:31
Останато
5/12/2016 17:35
Коментари
5/12/2016 12:31
Кошарка
4/12/2016 21:26

Боби Милевски разрешен, Никола Илиевски – Џиџи нов тренер на Вардар!

Како што ексклузивно дознава
ЕКИПА, Никола Илиевски – Џиџи од утре и официјално ќе биде назначен за нов шеф на
стручниот штаб на Вардар!

 

Поранешниот македонски
селектор на клупата на „црвено-црните“ ќе го наследи досегашниот предводник
Боби Милевски на кого денеска му е соопштена одлуката на раководството за
негова прераспределба во стручните структури на клубот. Се очекува Милевски и
натаму да остане во Вардар, но низ заеднички договор на друга функција.

 

58-годишниот Никола Илиевски, кој претходно
се врзуваше и со клупата на Пелистер, сепак на ден пред стартот на подготовките
на „вардарци“ официјално се договори за преземање на нашиот најтрофеен клуб.
Илиевски утре од 12 часот на прес-конференција ќе биде промовиран на
тренерското место, по што веднаш ги стартува и подготовките со новиот тим.

 

Популарниот Џиџи претходно во
својата богата тренерска кариера беше предводник, покрај на нашата селекција, и
на репрезентацијата на Бангладеш, како и на тимовите Беласица, Победа, Работнички, но и
словенечки Публикум Цеље.

 

Според најавите, со него клубот посакува сигурно освојување на шампионската титула и оваа сезона, но и далеку посериозен настап со повисоки амбиции на европската сцена следното лето. 


Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.