Богдан Богдановиќ од следната сезона ќе го носи дресот на „кралевите“ - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
18/08/2017 19:45
Фудбал
18/08/2017 11:31
Фудбал
18/08/2017 9:19
Фудбал
17/08/2017 22:46

Богдан Богдановиќ од следната сезона ќе го носи дресот на „кралевите“

Богдан Богдановиќ од следната сезона ќе го носи дресот на „кралевите“

Бекот на Фенербахче и на српската кошаркарска репрезентација, Богдан Богдановиќ, од следната сезона дефинитивно се сели во НБА и ќе игра за Сакраменто кингс. Генералниот менаџер на клубот, Владе Дивац, пред неколку месеци најави дека Богдановиќ ќе биде дел од составот на „кингси“, иако чекаат сезоната да заврши за да можат официјално да го претстават како нивен играч. Одличниот шутер дефинитивно ќе зачекори на НБА терените од октомври.

Ова го потврди и центарот на Сакраменто, Јоргос Папајанис, кој во живо го проследи натпреварот меѓу Панатинаикос и Фенербахче во „ОАКА“ арената, a на средбата Богдановиќ беше играч на натпреварот со 23 поени, од кои 15 ги постигна од линијата за три поени. Папајанис тврди дека со нетрпение го чекаат Богдановиќ да пристигне во Калифорнија и да се приклучи на тимот.

„Сите во клубот зборуваме за доаѓањето на Богдановиќ. Тој е одличен играч, има прецизен шут, знам дека брзо ќе се влопи во нашата филозофија и ќе биде многу корисен играч“ – изјави Папајанис.

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.