Италијанците не поминаа како што очекуваа во Шведска. Беа многу самоуверени пред почетокот на првиот дуел од баражот за пласман на СП, но загубија од Шведска со 1-0, па сега бараат и други изговори. Дефанзивецот Леонардо Бонучи вели дека Ола Тоивонен требало да добие црвен картон, затоа што во еден дуел му го скршил носот.
„Ми го скрши носот, и Тоивонен требаше да биде исклучен. Што да кажам, по само 30 секунди…Направивме неколку грешки, и бевме бавни, но сега треба да мислиме на реваншот. Очекуваме публиката во Милано да ни помогне. Ќе биде тоа меч да се биде или не за нас, а Италија мора да оди на Светското првенство во Русија. Да не заборавиме, се играат 180 минути и треба да реагираме најдобро што знаеме“, изјави Леонардо Бонучи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
