Македонскиот репрезентативен голман Борко Ристовски одлично ја почна сезоната во АСОБАЛ лигата во дресот на Барселона.
Во првото коло од новата сезона во шпанскиот шампионат, Барселона славеше убедливо со 34-18(17-6) против Пуерто Сагунто. Ристовски имаше 16 одбранети удари со процент на успешност од 47%, притоа бранејќи три пенали на противникот од исто толку обиди. Македонскиот голман имаше и две одбрани од трите зицери на Пуерто од шест метри.
Најефикасен во триумфот на каталонскиот тим беше Ривера со десет постигнати гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
