Бостон подобар од Вашингтон за финале против Леброн и Кливленд - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Кошарка
23/09/2017 15:05
Кошарка
23/09/2017 14:52
Фудбал
23/09/2017 12:57
Ракомет
22/09/2017 19:52

Бостон подобар од Вашингтон за финале против Леброн и Кливленд

Бостон подобар од Вашингтон за финале против Леброн и Кливленд

Кошаркарите на Бостон Селтикс стигнаа до голема победа над Вашингтон во седмиот натпревар од полуфиналето на Истокот, славејќи со 115-105, па на тој начин си обезбедија финале против Леброн Џејмс и неговиот Кливленд.

Во првото полувреме се играше максимално израмнето на дуелот со мала предност во текот на двете четвртини на Бостон. Сепак, на крајот Вашингтон со одлични неколку минути пред одморот, стигна до 53-55 на полувремето.

И во третиот период се играше кош за кош на двете страни, за да Бостон фуриозно ја почне последната четвртина., па стигнува и до предност од 13 поени разлика. Сето тоа беше доволно рутински да го приведат натпреварот до крајот.

Најефикасен кај Бостон беше Ајзеа Томас со 29 поени, дополнето и со 12 асистенции. Но, херој на победата на Селтикси беше одличниот Кели Олиник кој запиша 26 поени, пет скока и четири асистенции. Дури 14 поени постигна во последната четвртина кога се кршеше резултатот. Солиден беше и Хорфорд со 15 поени.

Кај Вашингтон се издвои Бредли Бил со 38 поени, а Ото Портер постигна 20 поени, дополнети и со 10 скока. Маркиф Морис и Џон Вол постигнаа по 18 поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.