Бостон селтикс го доби „џек-потот“ на драфт-лотаријата - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
17/11/2017 20:24
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55

Бостон селтикс го доби „џек-потот“ на драфт-лотаријата

Бостон селтикс го доби „џек-потот“ на драфт-лотаријата

Бостон селтикс е добитник на „џек-потот“ наречен прв пик на драфтот на синоќешната лотарија што вообичаено ги одредува првите 14 позиции за избор на претстојниот драфт во НБА-лигата. Селтикси обезбедија место во финалето од Источната конференција и вообичаено воопшто не би биле дел од оваа лотарија, во која учествуваат најслабите екипи од изминатата сезона.

Сепак, Бостон стигна до првиот пик благодарение на Бруклин нетс и големиот трејд од пред неколку години, кога селтикси го презедоа пикот од првата рунда на нетси во 2017 година. Бруклин ја заврши и оваа сезона со очаен, овозможувајќи му на Бостон да влезе како фаворит во драфт-лотаријата. „Зелените“ имаа 25% шанса да стигнат до првиот пик, најмногу од сите тимови, среќата ги послужи, па не дојде до никакво изненадување и токму овој тим стигна до правото прв да избира на претстојниот драфт, што ќе се одржи на 22 јуни во Бруклин.

Правото да го избираат вториот пик на драфтот им припадна на ЛА лејкерс, трет ќе бира тимот на Филаделфија, а потоа следат Феникс, Сакраменто, Орландо, Минесота, Њујорк, Далас и уште еднаш Сакраменто.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.