Челси игра шампионски, Сити по навика дава по пет гола - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
13/12/2017 22:12
Фудбал
13/12/2017 14:50
Меѓ. Фудбал
13/12/2017 14:42
Кошарка
12/12/2017 22:01

Челси игра шампионски, Сити по навика дава по пет гола

Челси игра шампионски, Сити по навика дава по пет гола

Челси дефинитивно влегува во шампионски ритам откако „сините“ попладнево триумфираа во Стоук со убедливи 0-4. Алваро Мората беше човекот на одлука постигнувајќи хет-трик, негов прв во дресот на лондонскиот клуб. За шпанското шоу да биде комплетно четвртиот погодок (инаку втор севкупно на натпреварот) беше дело на Педро, а треба да се истакне и дека Конте се реши на клупата да ги остави Фабрегас и Азар, но и без нивна помош стигна до убедлива победа

Манчестер сити продолжи со импресивните настапи во текот на овој месец, пукајќи уште една „петарда“, овојпат против „фенерџијата“ Кристал палас (5-0). Избраниците на Рој Хоџсон одолеваа се до финишот од првото полувреме, кога Сане конечно го отвори резултатот на асистенција на Давид Силва. На стартот од второто полувреме два гола даде Стерлинг, за потоа меѓу стрелците да се запишат и Агуеро и Делф.

Манчестер јунајтед исто така стигна до цел плен, откако триумфираше на гостувањето против Саутемптон со 0-1 со голот на Ромелу Лукаку, дуел на кој Жозе Мурињо во 90. минута беше исклучен поради приговор кон судиите.

Ниасе е херојот на Евертон, откако црномурестиот голгетер постигна два погодоци за пресврт на „Гудисон парк“ и триумф од 2-1 на дуелот со Бурнемаут.

Резултати Англија: 

Вест хем – Тотенхем 2-3, Стоук – Челси 0-4, Евертон – Бурнемаут 2-1, Свонси – Ватфорд 1-2, Манчестер сити – Кристал палас 5-0, Барнли – Хадерсфилд 0-0.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.