Да се знае кој е шампион - слатка одмазда на МЗТ (ФОТОГАЛЕРИЈА) - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Кошарка
21/11/2017 16:21
Кошарка
21/11/2017 8:30
Кошарка
20/11/2017 20:52
Коментари
20/11/2017 12:12

Да се знае кој е шампион – слатка одмазда на МЗТ (ФОТОГАЛЕРИЈА)

Да се знае кој е шампион – слатка одмазда на МЗТ (ФОТОГАЛЕРИЈА)

Еден месец кошаркарите на МЗТ Скопје чекаа да ги израмнат сметките со Фени индустри по оној изненадувачки пораз во полуфиналето од Купот на Македонија. Чекаа и дочекаа, а кога дојде моментот наплатија „со камата“, вечерва демолирајќи го ривалот од Кавадарци со огромни 27 поени разлика (86-59).

„Металците“ конечно заиграа одбрана онака како што бараше тренерот Анте Назор од нив веќе извесно време, згора на тоа, успехот е остварен без својот главен блокер Џош Скот, кој се врати во САД, како и без Мијатовиќ, кој ќе ја чека одлуката на „апелација“ за раскинот на договорот со Куманово за да се врати назад во МЗТ Скопје.

Во нивно отсуство шанса доби Младеновски, кој одигра солидно во минутите што ги мина на теренот, своите „пет минути“ ги искористи и Мекиќ, така што Назор мора да биде задоволен од комплетното издание на својот тим. Поголемите предизвици допрва претстојат, но добро е што МЗТ конечно одигра еден меч шампионски, оставајќи ги зад себе бројните разочарувања од АБА-лигата.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.