Македонските кошаркари продолжија со одличните игри во овој претквалификациски циклус, рутински триумфирајќи на дуелот со Словачка, за трета победа во низа и огромен чекор напред кон следната фаза од квалификациите за Евробаскет 2021.
Радува што разочарувањата од претходниот циклус е оставени зад нашите кошаркари, кои на овие три средби јасно покажуваат дека не припаѓаат во оваа „дружина“ на селекции од дното на европската кошарка. Пресилни се и за Словачка и за Швајцарија, заслужено убедливо први во групата, па сега со нетрпение ќе се очекуваат наредните предизвици.
Јасно е дека времето од литванското чудо е предалеку, но исто така е јасно и дека моментната репрезентација е многу посилна од местото на европската кошаркарска мапа на кое се наоѓа во моментов. А со ваков пристап, дисциплина и тимски дух, има простор за уште поголем напредок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
