Со 20 минути добра игра, кошаркарите на Дарушафака успеаја да ја изненадат Саски Басконија која од гостувањето во Турција ќе си замине без бодови. Бертанс и Ванамејкер беа незапирливи на паркетот и имаа најголем удел во победата од конечни 98-89 (20-24, 27-22, 30-22, 21-21). Кошаркарите од шпанскиот прволигаш успеаја да се вратат во самиот финиш, но на семафорот немаше доволно време за целосен пресврт.
Бертанс со 29 поени и Ванамејкер со 21 беа најефикасни додека двоцифрени беа уште и Моерман со 15 поени и Клајбурн со 14 поени. За Басконија, Ханга запиша 19 поени, шест помалку постигна Шенгелија. Двоцифрени беа и Будингер со 12 поени, по 10 поени запишаа Ларкин, Војтман и Тили.
Час претходно, Уникс Казан запиша уште една победа на домашен терен, овој пат против Бросе Бамберг со 63-58 (13-20, 17-16, 16-11, 17-11). На кошаркарите од Русија им беше потребно време за да го пронајдат решението за одбраната на противничкиот тим, но успеаја во таа намера и ја запишаа седмата победа оваа сезона.
Само шест играчи на рускиот клуб се запишаа во листата на стрелци, а соло-шоуто на Ленгфорд од 27 поени му ја донесе победата. Стрелниекс со 13 поени и Милер со 12 беа најефикасни на спротивната страна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
