Давитков: Репрезентацијата се комплетира, ситуацијата со Антиќ статус-кво

Македонскиот селектор Јорданчо Давитков е задоволен од текот на подготовките на кошаркарската репрезентација за претквалификацискиот турнир за пласман на СП 2019.

Давитков деновиве очекува докомплетирање на националниот тим, па заедно и со Џордан Теодор кој ќе се приклучи директно во Маврово, да се стартува со поактивната фаза од подготовките.

„Во секој случај добро минуваат подготовките и покрај тоа што го имавме тој пех со Марко Симоновски, кој ја обнови старата повреда, па тој и дефинитивно отпадна за овие претквалификации… Повредите ни прават проблем. Симоновски отпадна, и Стајиќ има мала повреда, но ќе направиме се од себе за успешни подготовки и секако позитивни претквалификации“ – вели Давитков, притоа дополнувајќи:

„Од се останато секако сум задоволен, од пристапот кон тренинзите и начинот на кој кошаркарите им приоѓаат. Останува уште во овие неколку денови пред заминувањето за Маврово да се докомплетираме, денеска треба и Димче Тасовски да се приклучи, како и Војдан Стојановски. Во Маврово го очекуваме приклучувањето и на Џордан Теодор“.

kosarkari trening 2

А, ситуацијата околу Перо Антиќ?

„Нема никаква новина. Антиќ секако изрази желба да помогне во одредена фаза доколку биде неопходно, но засега се е статус-кво. Ќе видиме дополнително дали и кога би се приклучил ако е потребно“ – вели селекторот Јорданчо Давитков.

kosarkari trening

На денешниот претпладневен тренинг во СЦ „Борис Трајковски“ поради неопходни лекарски прегледи не присуствуваше Ѓорѓи Чековски, кој продолжува со тренинзите од попладневниот тренинг.

Се вчитува...