Ди Марија достапен за трансфер - ПСЖ ја одреди цената - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

Ди Марија достапен за трансфер – ПСЖ ја одреди цената

Ди Марија достапен за трансфер – ПСЖ ја одреди цената

ПСЖ состави дрим-тим со ангажманот на Мбапе и на Нејмар, но на челниците на францускиот клуб им е јасно дека мора што поскоро да продадат неколку првотимци за да не го нарушат финансискиот ферплеј, за што би им се заканувало дури и исклучување од Лигата на шампионите.

Еден од оние кои сигурно ќе си заминат е Анхел ди Марија, одличниот Аргентинец кој го загуби првотимскиот статус, но за кој исто така има сериозен интерес од неколку клубови. Директорот Антеро Енрике веќе ги известил екипите дека Ди Марија би можел да се замине од Париз веќе во јануари, одредувајќи ја цената за поранешниот фудбалер на Манчестер јунајтед и на Реал Мадрид.

Како што јавуваат француските медиуми, Ди Марија ќе може да си замине за сума од 75 милиони евра, понуда што е превисока за Барселона, но останува да се види какви понуди ќе пристигнат од Интер и од Челси, тимови што исто така искажаа интерес за аргентинскиот ас. За Ди Марија се интересираат и неколку екипи од Кина, но Аргентинецот барем засега инсистира на останување во Европа.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.