Македонската фудбалска репрезентација забележа голем скок на листата на ФИФА и на најновото издание се наоѓа на 85.место. Ремито со Италија (1-1) во Торино, како и победата над Лихтенштајн (4-0) во Струмица, на „црвено-жолтите“ им донесоа скок од 18 позиции. Ова е најдобар пласман за Македонија на ФИФА-листата по август 2014 година, кога бевме рангирани на 76.место.
Од селекциите кои беа во нашата квалификациска група за СП 2018, Шпанија се наоѓа на осмото место, Италија е 15-та, Албанија падна за пет позиции и сега е на 71.место, додека Израел е 82., три позиции пред Македонија. Аутсајдерот Лихтенштајн се наоѓа на 187. место.
Меѓу најдобрите десет репрезентации, Германија е на врвот, пред Бразил, Португалија, Аргентина, Белгија, Полска, Франција, Шпанија, Чиле и пред Перу.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
