Две нови имиња во МЗТ Скопје: Ремонтот продолжува - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

Две нови имиња во МЗТ Скопје: Ремонтот продолжува

Две нови имиња во МЗТ Скопје: Ремонтот продолжува

Огромната резултатска криза во МЗТ Скопје е причина за „ремонт“ во играчкиот кадар на овој тим, откако дел од кошаркарите не ги оправдаа засилувањата, па раководството и стручниот штаб се приморани на бројни промени помалку од два месеци по стартот на сезоната.

По ангажманите на Спасојевиќ и на Мавра, македонскиот првак денеска доведе уште едно квалитетно засилување. Станува збор за поранешниот кошаркар на Партизан, Ѓорѓе Мајсторовиќ, играч за чии услуги тренерот Тодоров се интересираше уште во текот на летово, но дури сега успеа да го доведе во своите редови. Мајсторовиќ подеднакво добро се снаоѓа на позициите „четири“ и „пет“ и сигурно ќе биде од огромна помош во битката под обрачите, каде МЗТ имаше огромни проблеми во текот на сезонава.

Трансферот на Мајсторовиќ денеска беше официјализиран од страна на македонскиот шампион, а ЕКИПА дознава дека во најскоро време МЗТ ќе има уште еден квалитетен кошаркар во своите редови. Станува збор за црногорскиот репрезентативец Никола Павличевиќ, кој летово настапуваше за својата репрезентација на Евробаскет 2017, во просек бележејќи по 7,7 поени и три асистенции по натпревар. Павличевиќ ланската сезона ја мина во унгарски Шолнок, претходно има настапувано и за Унион Олимпија, Сутјеска и Ловќен, a неговиот ангажман би претставувал решение за плејмејкерската позиција, на која Американецот Гарсија не ги оправда очекувањата.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.