Елиф Елмас потпиша за Фенербахче! - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
20/11/2017 12:12
Кошарка
20/11/2017 11:26
Кошарка
20/11/2017 10:23
Фудбал
19/11/2017 21:29

Елиф Елмас потпиша за Фенербахче!

Елиф Елмас потпиша за Фенербахче!

Македонскиот фудбалски суперталент, досегашниот фудбалер на Работнички, Елиф Елмас потпиша договор со турскиот гигант Фенербахче. Тој одлучи да ја прифати понудата на Фенер, покрај многуте што стигнаа на негова адреса во овој летен преоден рок. Тој во септември ќе наполни 18 години, по што договорот ќе стапи на сила и ќе може да настапува во турското фудбалско првенство.

За Елиф Елмас се интересираа голем број европски клубови, меѓу кои и Галатасарај, Трабзонспор, Лас Палмас, Борусија Дортмунд, Бенфика, Базел, Клуб Бриж, Херенвен, со кој имаше и преддоговор, но токму Фенербахче победи во трката за неговиот потпис. Предмалку тој на својот Твитер објави: „Здраво, Фенербахче“, што го потврдува неговиот избор и трансферот кој е пред конечна реализација.

Елиф Елмас веќе дебитираше за А-репрезентацијата на Македонија на квалификацискиот натпревар против Шпанија во Скопје, а беше дел и од селекцијата до 21 година која учествуваше на Европското првенство во Полска.

elif elmas tviter

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.