Европско деби со победа на Работник - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
13/12/2017 14:50
Меѓ. Фудбал
13/12/2017 14:42
Кошарка
12/12/2017 22:01
Ракомет
12/12/2017 17:39

Европско деби со победа на Работник

Европско деби со победа на Работник

Екипата на Работник имаше успешно европско деби откако во својот премиерен натпревар во Челинџ-купот избраниците на Илија Темелковски славеа над литванскиот претставник Каунас со резултат 28-24.

Битолчани клучната разлика ја направија уште во првото полувреме, кога благодарение на голманот Умовиц и неговите два одбранети пенали успеаја да се одлепат, па на одмор да заминат со „плус четири“ (12-8). Работник одлично го почна и вториот дел, поведе со шест гола, но накратко беше исфрлен од ритам откако гостите тргнаа со „фластер“ на Дрогришки. Литванците ја преполовија предноста на 15-12, за на десет минути до крајот македонскиот претставник повторно да дојде до шест гола предност (22-16), пред се благодарение на голманот Ивановски. Гостите сепак се разбудија во самиот финиш и се приближија на конечни четири гола (28-24), резултат што најавува неизвесност пред реваншот во Литванија.

Крилата одиграа беспрекорно за македонскиот тим, па Ојлески со осум и Мојсоски со шест гола беа најефикасни кај Работник, додека прв стрелец на Каунас беше Древникос со осум погодоци.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.