Федерер го среди и Зверев, веќе е во полуфинале - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
19/11/2017 21:29
Кошарка
19/11/2017 20:35
Фудбал
19/11/2017 19:59
Фудбал
19/11/2017 19:09

Федерер го среди и Зверев, веќе е во полуфинале

Федерер го среди и Зверев, веќе е во полуфинале

Роџер Федерер е првиот полуфиналист на АТП шампионатот во Лондон, откако по само два меча Швајцарецот го осигура првото место во својата група. По почетните 2-0 над Џек Сок, Федерер вечерва славеше со 2-1 над Алекс Зверев, одмаздувајќи му се на германскиот ас за поразот во финалето во Монтреал. Иако не беше во својата препознатлива форма, Федерер сепак стори доволно за да го скрши отпорот на противникот, па сега ќе може да си дозволи и мало опуштање и штедење на силите на мечот од третото коло против Чилиќ.

Мечот почна со сервис на Федерер и предност на Зверев од 0-40, што Германецот не успеаја да ја претвори во брејк бидејќи швајцарскиот великан се разбуди во вистински момент и го сврте резултатот во своја полза. Првиот сет беше решен во тајбрејк, а Зверев има за што да жали бидејќи имаше предност од 4-0, потоа и од 6-5, но на крајот Швајцарецот славеше со 8-6.

Зверев делуваше во шок, па Федерер експресно направи брејк на стартот од вториот сет. И кога сите помислија дека вториот носител рутински ќе си ја доработи задачата, младиот Германец успеа да се врати, најпрвин го израмни резултатот во вториот сет, а потоа со нов брејк стигна до 5-7, борејќи се за трет сет во овој интересен дуел. Сепак, тоа беше се што германскиот тенисер успеа да стори бидејќи Федерер ја врати контролата, набрзина направи два брејка во решавачкиот сет и стигна до конечни 6-1.

Овој триумф значи дека Швајцарецот сигурно е првопласиран во својата група пред дуелот со Марин Чилиќ, додека Зверев во директна битка со Сок ќе го реши прашањето на вториот патник во полуфиналето.

Во првиот меч на денешната програма, Чилиќ прокоцка предност од 1-0 во сетови, па Сок на крајот заслужено триумфираше со 1-2.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.