Фетел одговара на обвинувањата - Во Ферари нема „тимски наредби“ - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/09/2017 17:32
Фудбал
20/09/2017 15:30
Ракомет
20/09/2017 13:46
Кошарка
19/09/2017 18:29

Фетел одговара на обвинувањата – Во Ферари нема „тимски наредби“

Фетел одговара на обвинувањата – Во Ферари нема „тимски наредби“

Себастијан Фетел излезе со изјава во која тврди дека во Ферари нема „тимски наредби“.Лидерот во генералниот пласман на возачи во шампионатот во Формула 1, на тоа додава и дека во италијанскиот тим тој нема улога на фаворит во однос на Кими Раиконен.

Шпекулациите дека во Ферари го фаворизираат Фетел како претендент за шампионската титула се појавија за време на трката за ГН на Монако кога Раиконен стартуваше од пол-позицијата, но тимската стратегија подоцна го чинеше победа. Во Унгарија пак, Фетел имаше проблеми со воланот, но ја задржа предноста пред Раиконен кој беше задолжен да го задржува Хамилтон, наместо да го напаѓа својот клупски колега.

„Изненаден сум како се претставуваат фактите за Кими и за мене. Не можам да зборувам во туѓо име, но можам да кажам дека ние се натпреваруваме еден со друг цела сезона. За тоа дали тој ме заштитувал на трката во Унгарија, треба да го прашате Кими, но не мислам дека е вистина. Ако имаше можност ќе ме престигнеше или ќе се обидеше да го направи тоа. Исто ќе беше и ако јас бев на негово место. И двајцата се натпреваруваме за тимот и настојуваме да го правиме најдобро тоа за што сме способни“ – вели Себастијан Фетел.

Ф1 шампионатот продолжува викендов на патеката во Монца каде ќе се вози трката за ГН на Италија, 13-та на календарот на Ф1 и последна во европската тура.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.