Филип Талески по бундеслигашкото деби: Посебно чувство и позитивна трема - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
28/05/2017 0:45
Останато
27/05/2017 13:45
Ракомет
27/05/2017 19:34
Останато
27/05/2017 15:20

Филип Талески по бундеслигашкото деби: Посебно чувство и позитивна трема

Филип Талески по бундеслигашкото деби: Посебно чувство и позитивна трема

Германскиот шампион Рајн Некар Левен славеше победа во бундеслигашкиот дуел против Минден (26-20). Овој натпревар беше посебно значаен за 21-годишниот македонски репрезентативец Филип Талески, кој го одбележа својот прв настап и го постигна првиот гол за Рајн Некар Левен.

„Прв натпревар на домашен терен во САП Арена, за мене малку чудно и невообичаено. Имав некоја позитивна трема, но тоа е нормално за прв натпревар. Ова ми беше прв гол во Бундеслигата, верувам дека во иднина ќе има и многу повеќе. Убаво се чувствувам во тимот, убаво сум прифатен од сите. Мое е да работам и да ја оправдам, довербата“ – изјави Филип Талески за ЕКИПА, по неговото бундеслигашко деби.

Македонскиот бек на полусезоната направи бум-трансфер и се пресели од Металург во Рајн Некар Левен. Со актуелниот бундеслигашки првак, Талески потпиша тригодишен договор со важност до јуни 2021. Првично требаше да стартува од следната сезона кога му истекуваше договорот со Металург, но управата на Рајн Некар Левен плати обесштетување и го доведе македоснкиот атлент во своите редови уште во февруари.

taleski RNL

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.