Футсал: Чехот Решетар не „изрешета“ за крај на надежите за ЕП - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
26/07/2017 18:35
Кошарка
26/07/2017 17:12
Фудбал
25/07/2017 22:15
Фудбал
25/07/2017 22:59

Футсал: Чехот Решетар не „изрешета“ за крај на надежите за ЕП

Футсал: Чехот Решетар не „изрешета“ за крај на надежите за ЕП

Македонската футсал репрезентација не успеа да се избори за бараж за пласман на Европското првенство 2018 во Словенија, откако и во вториот натпревар од квалификациската група која се игра во Казахстан, загубивме убедливи овој пат од Чешка со 3-7 (1-2).

По вчерашниот пораз (3-0) од домаќинот Казахстан, избраниците на Иван Божовиќ со ова ги загубија сите надежи за второто место во групата кое носи до баражот за ЕП.

Квалитетно го почнавме мечот поведувајќи уште во 3. минута со голот на натурализираниот Бразилец, Де Соуза. Но, потоа се беше на страната на расположените Чеси. Посебно не изрешета најдобриот чешкиот капитен Лукаш Решетар со четири погодоци во 20. минута, 22., 31. и во 37. минута, а останатите три гола за Чешка ги постигнаа Заруба во два наврати и Куделка.

Вториот гол за Македонија го постигна Драган Петровиќ во 32. минута од натпреварот, а колку за поублажен пораз се погрижи Де Соуза во последната минута со гол од пенал, за конечни 3-7.

За Македонија, во оваа квалификациска група, сега останува уште дуелот со Данска која вчера загуби од Чешка со 5-4.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.