Македонската футсал репрезентација загуби со 3-0 (2-0) од домаќинот Казахстан во првиот натпревар од квалификациската група Ф за пласман на ЕП.
Поразот на избраниците на Иван Божовиќ следеше по двата примени погодоци во првото полувреме. Македонија имаше шанси и за погодок во првиот дел кои не ги искористија Леовски, Крстевски и Соуза, додека Петровски на голот во неколку наврати извонредно интервенираше, но сепак Казахстанците успеаја да погодат со шут од далечина во 13. минута преку Жарманкулов. Истиот играч во 19. минута по една брза акција на домашните уште еднаш погоди за 2-0.
Во второто полувреме Казахстанците само рутински ја одржуваа предност, истата и зголемувајќи ја со погодокот на Акбаликов во 33. минута, за конечни 3-0.
Во квалификациската група која се игра во Казахстан, во првиот денешен натпревар Чешка славеше против Данска со 5-4. Македонија утре од 11:30 часот во второто коло игра против селекцијата на Чешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
