Футсал репрезентативците на подготовки пред квалификацискиот турнир во Казахстан - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
26/06/2017 10:05
Останато
25/06/2017 20:21
Фудбал
25/06/2017 11:43
Кошарка
25/06/2017 10:28

Футсал репрезентативците на подготовки пред квалификацискиот турнир во Казахстан

Футсал репрезентативците на подготовки пред квалификацискиот турнир во Казахстан

Македонската репрезентација во футсал се подготвува за квалификацискиот турнир за пласман на Европското првенство 2018 година во Словенија.

Репрезентативците и стручниот штаб подготовките за трите квалификациски натпревари ги одработуваат во Дојран. На турнирот кој од 07. до 11. април ќе се одржи во Алмати, Казахстан нашата репрезентација ќе се соочи со Чешка, Данска и домашниот Казахстан.

„Ние сме во завршна фаза на подготовките. Гледавме голем број натпревари од противниците и сметаме дека е направена солидна анализа за квалитетот на екипите. Немаме повредени фудбалери, сите играчи се максимално подготвени и нема никаква дилема дека ќе го дадат макисмумот во обид да ја исполниме нашата цел. Верувам во играчите и сметам дека со заедничка ангажираност можеме да стигнеме до бараж. Како што е познато таму има место за второпласираните од секоја група и за најдобрите третопласирани селекции. Што се однесува до групата, секако главен фаворит за првото место е Казахстан. Тие на последното Европско првенство во Белград се пласираа на третото место. Имаат специфичен стил на игра каде го користат и голманот како играч. Чешка е редовен учесник на сите големи натреварувања и има висок рејтинг. Знаат да играат на резултат. Тука е и квалификантот Данска“вели селекторот Иван Божовиќ.

На отворањето Македонија ќе игра со домаќиниот и прв фаворит за првото место, селекцијата на Казахстан, на 9. април ќе се соочиме со Чешка, а последниот дуел го играме на 11. април против репрезентацијата на Данска.

Селекторот на футсал репрезентацијата на Македонија Иван Божовиќ за турнирот во Алмати ќе смета на следните играчи: Антонио Петровски, Илчо Удовалиев, Влатко Петровски, Леонид Ристановски, Зоран Левески, Данило Де Соуза, Ферид Агуши, Даниел Де Соуза, Игор Леовски, Мартин Тодоровски, Драган Петровиќ, Таулант Исмаили, Адријан Мицевски, Садат Зибери, Александар Глигоров, Иван Крстевски и Еркан Сефари.

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.