Грнчаров: Нема да се браниме, Вардар ќе оди на победа!

Вардар по повеќе од една деценија помина едно коло во квалификациите за ЛШ, но сака уште, да приреди уште едно пријатно изненадување за себе и за цела Македонија. Следна пречка е данскиот првак ФК Копенхаген, тим за респект, кој сепак не е и непобедлив.

Капитенот на „црвено-црните“, Бобан Грнчаров, еден од јунаците за елиминацијата на Малме, вели дека Вардар утре нема да се брани против Копенхаген. Напротив, ќе напаѓа и ќе бара победа.

„Несомнено се работи за многу квалитетна екипа. Тие се една класа подобри од Малме, затоа и играат речиси секоја година во ЛШ. Но, ние не се предаваме предвреме, ќе одиме на победа, како утре, така и наредната недела на реваншот во Данска. Играме на домашен терен, ќе тргнеме во офанзива и ќе бараме гол уште од првата минута. Добро ја знаеме нивната игра во напад, ги анализиравме, и ако не му дозволиме слободен простор на пред нашиот гол, мислам дека можеме да ја сочуваме нашата мрежа мирна“, изјави капитенот Грнчаров.

 

Се вчитува...