Возачот на Мерцедес, Луис Хамилтон ќе стартува од првата позиција на првата трка од новата сезона во Формула 1 која ќе се вози во Австралија.
Актуелниот светски шампион доминираше на тренинзите претходниве денови, за да денеска во квалификациите биде значително подобар од останатите стигнувајќи до пол-позицијата со време од 1:21.164. Ова е нов рекорд на патеката „Алберт Парк“ кој е за 1.124 секунди подобар од досегашниот кој Хамилтон го постави минатата сезона.
Зад себе британскиот возач ги остави возачите на Ферари, Себастијан Фетел и Кими Раиконен, а зад овие двајца е двоецот на Ред Бул, Макс Верстапен и Даниел Рикиардо.
Вториот возач на Мерцедес, Валтери Ботас доживеа несреќно излетување во третиот квалификациски круг. Потполно го уништи болидот, па утре на трката ќе стартува од последната позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
