Барселона успеа да постигне гол на „Стемфорд бриџ“ и ремизираше 1-1 против Челси во првиот осминафинален натпревар од Лигата на шампионите. Андрес Иниеста му асистираше на Лионел Меси за израмнување во 75.минута, откако претходно Вилијан го доведе Челси во водство.
Но, капитенот на Барселона, Андрес Иниеста, смета дека ќе биде многу неизвесно и на реваншот на „Камп Ноу“.
„Челси е одличен тим, и јасно е дека не очекува и неизвесен реванш. Но, ова е Лига на шампиони, тоа се дуели меѓу најдобрите клубови во Европа. Мислам дека одигравме квалитетен меч, и успеавме да возвратиме на водството на противникот. Сега треба да ја дозавршиме работата на „Камп Ноу“, и знаеме дека тоа нема да биде нималку лесна задача“, изјави Иниеста по дуелот во Лондон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
