Интер на лето ќе го купува Стротман

Италијанскиот калчолигаш Интер ќе се обиде значително да го засили својот тим во летниот преоден рок, откако раководството на клубот одобри зголемен буџет по кинеските инвестиции. Приоритет е да се засили одбраната и средниот ред, а освен Стефан Де Вриј од Лацио, „нероаѕурите“ имаат за своја цел уште еден фудбалер од „Олимпико“. Меѓу желбите на Интер се наоѓа и името на холандскиот интернационалец Кевин Стротман од Рома.

Играчот за врска имаше огромни проблеми со повредите изминатите години и не блесна во полн сјај во Рома, но неговиот квалитет е несомнен, па тој треба да биде новиот плејмејкер во играта на тимот од „Џузепе Меаца“. Евер Банега најверојатно ќе си замине, Марсело Брозовиќ исто така има неколку понуди, а Кондогбија не ги исполни очекувањата. Затоа тренерот Пиоли и раководството на Интер таргетираат нов играч за врска.

Според италијанските медиуми, Интер е подготвен да плати околу 22 милиони евра за Стротман, на кого договорот со Рома му истекува во јуни 2018 година.

Се вчитува...