Инцидент во Третата лига: Фудбалерите на Напредок и судиите спасуваа 'жива глава' во Камењане - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

Инцидент во Третата лига: Фудбалерите на Напредок и судиите спасуваа ‘жива глава’ во Камењане

Инцидент во Третата лига: Фудбалерите на Напредок и судиите спасуваа ‘жива глава’ во Камењане

Натпреварите од 6. коло во Третата лига Запад денеска ги одбележа тешкиот инцидент кој се случи на дуелот во село Камењане, меѓу домашниот Кајмани и кичевски Напредок.

Средбата беше прекината во 78. минута откако гостинските фудбалери како и главниот судија Слаѓан Маркоски од Гостивар беа физички нападнати од страна на домаќините…

„Денеска на натпреварот во Камењане при наше водство од 2-3, во 78. минута мечот беше прекинат откако домаќините физички нападнаа неколку наши фудбалери како и судијата. Притоа неколку фудбалери на Напредок беа бркани и тепани по теренот, спасувајќи жива глава. А притоа никој не презеде ништо. Сето ова покажува како е да се игра на гостински терен во македонската Трета лига“ – не информираат од ФК Напредок.

Поранешниот кичевски прволигаш е во сериозна финансиска криза последните години, низ кои само поради ентузијазмот на фудбалерите се натпреварува во третолигашката конкуренција. Но, и поради незаинтересираноста од градот, но и поради ваквите инциденти, како што велат, веќе сериозно размислуваат и околу натамошното натпреварување во лигата.

Инаку, делегатот на мечот, Буран Муслии од Тетово во официјалниот записник го внесе инцидентот и прекинот на натпреварот во 78. минута со најава за дополнителни изјави од актерите и службените лица, по што се очекува и дисциплинска постапка за домаќинот.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.