Јоноски: Бев посебно мотивиран, мислам дека ја оправдав довербата - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
11/12/2017 12:49
Ракомет
11/12/2017 11:00
Меѓ. Фудбал
10/12/2017 19:26
Кошарка
10/12/2017 19:35

Јоноски: Бев посебно мотивиран, мислам дека ја оправдав довербата

Јоноски: Бев посебно мотивиран, мислам дека ја оправдав довербата

Ацо Јоноски беше избришан од страна на Лино Червар, но искусниот дефанзивец со настапот на вечерашниот дуел само потврди дека се уште е исклучително квалитетен и има што да и понуди на македонскта ракометна репрезентација.

Ми се јави селекторот и ме праша дали можам да дојдам. Имав некои обврски во Германија што морав да ги средам и затоа не настапив во Украина, но завршив се навреме за да се вратам овде и да помогнам за оваа втора средба во јунските квалификации. Сите знаевме што значи овој натпревар за нас. Јас посебно бев мотивиран бидејќи не бев повикан на последното СП во Франција. Не знам од кои причини беше тоа така, но еве се вратив, мислам дека ја оправдав довербата. Чувството да се носи репрезентативниот дрес е секогаш посебно. Никој во меѓувреме не ја зема деветката, остана за мене, моментот кога повторно ја облеков беше прекрасен“ – изјави Јоноски.

Тој уште еднаш ја покажа својата играчка големина, докажувајќи дека може да биде од голема помош за националниот тим, па за очекување е Јоноски да биде во комбинација и за настап на ЕП во Хрватска.

Не можам да кажам ништо, треба добро да се размисли. Како што стојат работите, би сакал да играм и на следното ЕП во Хрватска. Сепак, сега не можам да дадам конкретен и дефинитивен одговор на оваа тема“ – порача специјалистот за одбрана во нашата национална селекција.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.