Јувентус го 'мерка' Караско од Атлетико Мадрид - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
22/09/2017 19:52
Кошарка
22/09/2017 16:07
Фудбал
22/09/2017 11:53
Фудбал
21/09/2017 23:50

Јувентус го ‘мерка’ Караско од Атлетико Мадрид

Јувентус го ‘мерка’ Караско од Атлетико Мадрид

Јувентус е доминантен во Италија, на чекор е да ја освои и Европа, но раководството на клубот сака уште посилен тим за следната сезона. Најнова желба на „старата дама“ е Јаник Караско, белгискиот интернационалец од Атлетико Мадрид. Офанзивниот играч за врска прерасна во врвна класа, а тренерот Масимилијано Алегри смета дека одлично би се вклопил во стилот на Јувентус.

Челниците на италијанскиот првак стапиле во контакт со Атлетико Мадрид, но оттаму не се расположени за продажба на Караско, доколку Јувентус не ја плати отштетната клаузула во износ од 110 милиони евра. Тоа секако е огромна сума, а стратегијата на Јувентус никогаш не била да плаќа за огромни трансфери. Сепак, раководството на Јуве ќе се обиде да ја намали отштетата, и да вклучи некој фудбалер од своите редови кој би заминал во шпанскиот клуб.

Како други опции за Јувентус, доколку не успее планот со Караско, се споменуваат Федерико Бернардески од Фиорентина, Даглас Коста од Баерн Минхен и Тома Лемар од Монако. Има најави дека и Кеита Балде од Лацио е на прагот да се пресели во Торино.

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.