Карлос Моја: Повредата е минато, Надал е подготвен за Лондон - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
20/11/2017 12:12
Кошарка
20/11/2017 11:26
Кошарка
20/11/2017 10:23
Фудбал
19/11/2017 21:29

Карлос Моја: Повредата е минато, Надал е подготвен за Лондон

Карлос Моја: Повредата е минато, Надал е подготвен за Лондон

Рафаел Надал е подготвен и со нетрпение го очекува почетокот на завршниот Мастерс турнир во Лондон, тврди тренерот на шпанскиот тенисер, Карлос Моја. Надал изминатите недели имаше проблеми со повреда на коленото, што го доведуваше во прашање и неговиот настап во Лондон, но Моја тврди дека Надал ќе игра во Лондон и ќе атакува на единствената титула што му недостасува.

„Очекував Рафа повторно да се врати на првото место. Не сум изненаден бидејќи видов дека тренира како порано, со многу страст. Неговиот тенис, но и умот го донесоа повторно на првото место“ – вели Моја.

Надал имаше извонредна сезона, ја освои јубилејната 10.титула на Ролан Гарос, нова титула на УС Опен како и титулите на Мастерс турнирите во Мадрид, Монте Карло, Пекинг и во Барселона. Поради проблеми со коленото Шпанецот мораше да се повлече од турнирот во Базел, подоцна и да го предаде четвртфиналниот дуел против Филип Краиновиќ на Мастерсот во Париз. Но, неговиот тренер тврди дека тоа било повеќе од претпазливост за да може подготвен да го дочека завршниот турнир во Лондон.

Рафа е потполно фит, како и неговото колено. Реши да се повлече затоа што не сакаше да ризикува. Ќе биде максимално концентриран на турнирот во Лондон затоа што тоа е единствениот голем турнир од кој нема титула“ – истакнува Моја.

Рафаел Надал во Лондон ќе игра во групата „Пит Сампрас“ заедно со Давид Гофан, Доминик Тим и со Григор Димитров. Во групата „Борис Бекер“ се: Роџер Федерер, Александар Зверев, Марин Чилиќ и Џек Сок.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.