Карпош соколи го крена гласот против БИБЛ: Ваква лига е само за „местење“... - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
22/06/2017 22:35
Фудбал
22/06/2017 22:12
Фудбал
22/06/2017 21:43
Фудбал
22/06/2017 19:15

Карпош соколи го крена гласот против БИБЛ: Ваква лига е само за „местење“…

Карпош соколи го крена гласот против БИБЛ: Ваква лига е само за „местење“…

Освојувачот на Купот на Македонија, тимот на Карпош соколи, го крена гласот против организацијата на БИБЛ-лигата, преку соопштение апелирајќи да организира натпреварување што реално ќе има свој придонес за развој на кошарката во регионот, нешто што не е случај со сегашното регионално натпреварување.

Соопштението на Карпош соколи го пренесуваме во целост:

КК КАРПОШ СОКОЛИ 2000 АД СКОПЈЕ официјално апелира Македонската Кошаркарска Федерација да покрене иницијатива, заедно со другите Федерации, за основање Балканска Кошаркарска Лига, да организира регуларно, признаено од ФИБА, меѓународно натпреварување, кое реално ќе придонесе за развој на кошарката во регионот. Во отсуство на иницијатива на националните Федерации, злоупотребена е можноста за организација на вакво натпреварување, од страна на физички лица, кои водат катастрофални политики, непочитувајќи било какви стандарди во организацијата, своеволно водејќи го натпреварувањето, кое има само негативни импликации врз кошаркарскиот спорт.

Воедно, сакаме да потенцираме дека, во неформални разговори со сите клубови, со кои сме се натпреварувале во БИБЛ Лигата, го делат истиот став, но, бидејќи немаат друг избор, а со цел да да играат меѓународни натпревари, прифатиле да учествуваат во оваа натпреварување. Нашиот клуб, во континуитет има катастрофален третман од раководството на Лигата и во континуитет има катастрофално судење, најгрубо прекршувајќи ги елементарните правила на кошаркарската игра, кое кулминираше на натпреварот со КК ТЕОДО од нашата збратимена општина Тиват. Самото раководство на ТЕОДО, гледајќи ја судиската пародија, се почувстува непријатно и се огради од било каква поврзаност со скандалозното судење, напоменувајќи дека истата судбина и самите ја доживеале на натпреварот со КК Приштина.

За судиите можеби и можеме да најдеме оправдување бидејќи имаме информации дека долгот на БИБЛ кон Судиите за такси и патни трошоци е близу 100.000 евра (само кон нашите судии и делегати околу 20.000 евра), а газдата на лигата постојно им се заканува да ги слушаат неговите инструкции, повикувајќи се на блиски релации со раководни лица на ФИБА, преку кои ќе им ја уништел кариерата!?

Големиот број на казни, кои неоправдано ни ги изрекува раководството на Лигата, имаат само еден мотив – финансиски, со цел што е можно повеќе да се компензира гарантниот повратен депозит, кој Клубот го депонираше како гаранција за учество и плаќање на евентуалните казни, а БИБЛ треба да му го врати по завршување на сезоната. До овој момент БИБЛ лига не вратиле ниту еден “повратен” депозит, барем не на клуб кој е член на МКФ, а претходно партиципирал во ова натпреварување, а долговите кон нашите судии од коло во коло се зголемуваат.  Поради ова, се повеќе квалитетни судии ги откажуваат делегирањата, па во таков случај, на вчерашниот натпревар, ни беше делегиран судија кој воопшто и не смее да биде делегиран, бидејќи не го положил легер тестот за судии за оваа натпреварувачка сезона, и неможе да го носи знакот на ФИБА!?

Во ваква консталација на нештата се повеќе се сомневаме дека единствениот мотив на организаторите на лигата се незаконски приходи од наместени натпревари, во кои можеби и самите судии се условени да учестуваат. Затоа апелираме МКФ официјално да ги провери овие наоди и да застане во заштина на нејзините членки – клубовите и официјалните лица, кои учествуваат во оваа и од нив признаена лига и да завземат став дали во иднина нејзините членки воопшто треба да партиципираат во ова натпреварување!?

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.