Кошаркарките ја декласираа Бугарија (77-62) - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
22/11/2017 18:33
Фудбал
22/11/2017 17:40
Кошарка
22/11/2017 13:30
Фудбал
22/11/2017 11:10

Кошаркарките ја декласираа Бугарија (77-62)

Кошаркарките ја декласираа Бугарија (77-62)

Женската кошаркарска репрезентација на Македонија имаше фантастична презентација на првиот меч од меѓународниот турнир што се одржува во Скопје, совладувајќи ја селекцијата на Бугарија со 77-62. Собрани по пауза од цели три години, со нов селектор Марјан Лазовски, македонските кошаркарки одиграа одлично, иако и не беа во комплетен состав поради повреди. Ова секако е голема инспирација за понатамошна напорна работа и добар настап во квалификациите за ЕП.

makedonija -bugarija (kosarka)-02.06 (12)

Првата четвртина мина во израмнета кошарка, но Македонија блесна во вториот период. Цврста одбрана, брзи противнапади, но и организиран позиционен напад, беа дел од стратегијата на селекторот Лазовски, што неговите избранички ја спроведоа на вистински начин на паркетот. На полувреме Македонија замина со предност од 18 поени (43-25), најавувајќи сигурен триумф.

makedonija -bugarija (kosarka)-02.06 (15)

До крајот, Македонија рутински ја одржуваше убедливата предност, стигнувајќи до прва победа на турнирот.

Јелена Антиќ со 21 поени и четири скока, и Криси Гивенс со 20 поени, осум скока и седум асистенции беа најзабележителните фигури во македонската селекција. Софија Лазаревска постигна 13 поени, со максимална прецизност во своите обиди.

makedonija -bugarija (kosarka)-02.06 (14)

Во редовите на Бугарија, Христина Иванова беше најефикасна кошаркарка со 19 постигнати поени.

Утре, македонските кошаркарки од 19 часот ќе ги одмерат силите со репрезентацијата на Јапонија, која денеска беше убедлива против БиХ (100-69).

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.