Кожув вторпат влезе во списокот на МЗТ - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
23/10/2017 13:15
Останато
22/10/2017 20:35
Останато
22/10/2017 16:31
Фудбал
22/10/2017 16:26

Кожув вторпат влезе во списокот на МЗТ

Кожув вторпат влезе во списокот на МЗТ

Македонскиот првак МЗТ Скопје Аеродром ја оствари и шестата победа во домашниот шампионат, втора над составот на Кожув. Во малата сала на „Јане Сандански“ падна Кожув со 79-75. Гевгеличани дадоа солиден отпор, но немаа сили за да направат изненадување и да им го нанесат првиот пораз на „металците“.

Првата четвртина ја доби МЗТ со минимални 16-14, а на полувреме тимот на Анте Назор замина со предност од седум поени (37-30). Во третиот период Кожув влезе во добар шутерски ритам и последните десет минути ги стартуваше со четири поени негатива.

На една минута пред крајот, Кожув стигна на три поени заостанување (76-73), Темс не успеа да погоди тројка на спротивната страна, но и Ѓурасовиќ не погоди од линијата за три поени, што беше шанса за гостите да израмнат. Бојан Крстевски на четири секунди пред крајот намали на 77-75, но триумфот му припадна на МЗТ Скопје, откако Ксавиер Темс реализира две слободни фрлања.

Марко Симоновски и Ксавиер Темс со по 15 поени беа најефикасни во победничкиот состав на МЗТ.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.