Куманово немаше сили за чудо, пехарот во БИБЛ за Берое - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
22/11/2017 18:33
Фудбал
22/11/2017 17:40
Кошарка
22/11/2017 13:30
Фудбал
22/11/2017 11:10

Куманово немаше сили за чудо, пехарот во БИБЛ за Берое

Куманово немаше сили за чудо, пехарот во БИБЛ за Берое

Бугарскиот прволигаш Берое е новиот шампион на БИБЛ-лигата откако и во вториот натпревар од финалето оваа екипа славеше над македонскиот вицепрвак Куманово. Сите дилеми околу освојувачот на пехарот беа разрешени уште на првиот меч во Стара Загора што Берое го доби со преубедливи 84-55. Сепак, тоа не влијаеше премногу врз мотивираноста на гостинските кошаркари, кои славеа и на вечерашното гостување во Куманово (73-77), за доказ дека се најдобар тим во ова натпреварување и пехарот заслужено завршува во нивни раце.

Берое целосно доминираше во првото полувреме, во кое гостите заслужено заминаа на одмор со предност од убедливи 26-44. Марјан Србиновски сепак успеа да ги мотивира своите избраници, па Куманово одигра фантастична трета четвртина што „сино-белите“ ја добија со 30-11 и го свртеа резултатот во своја полза. Сепак, тоа беше се што кумановци успеаја да сторат бидејќи Берое повторно ја стабилизираше својата игра во последните десет минути и заслужено стигна до победата.

Јанески со 15 поени беше најефикасен кај Куманово, пред Караџовски и Живановиќ со по 14 постигнати поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.