Куманово се пласира во финалето на БИБЛ - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42
Фудбал
23/11/2017 19:31

Куманово се пласира во финалето на БИБЛ

Куманово се пласира во финалето на БИБЛ

Кошаркарите на Куманово се пласираа во финалето на БИБЛ, откако во драматичен натпревар на домашен терен го совладаа Пеќ со 86-80, надоместувајќи ја негативата од четири поени (79-83) по првиот натпревар одигран на Косово. Во финалето ќе го одмери силите со бугарскиот тим Берое.

Пеќ беше подобар на стартот и првата четвртина ја доби со 18-25, а и на полувреме замина со седум поени предност (37-44). Во третиот период кумановци намалија од негативата, а експлодираа во последната четвртина, која ја добија со десет поени разлика (25-15).

На четири минути пред крајот, кумановци го имаа посакуваниот резултат, водеа со 75-70. Сепак, Пеќ стигна до 80-80, а почна да се игра последната минута. Но, кумановци и тогаш не се предадоа. Караџовски уфрли две слободни фрлања, потоа Пековиќ реализираше, аво самата завршница погоди и Живановиќ за триумф од 86-80 и пласман во финалето на БИБЛ.

Марјан Јаневски со 21 поени и Јонел Браун со 20 поени беа најефикасни кошаркари во таборот на Куманово. Слободан Миљаниќ постигна 21 поени во составот на Пеќ.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.