Кутињо останува на својот збор, нема да игра за Ливерпул во ЛШ - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/09/2017 17:32
Фудбал
20/09/2017 15:30
Ракомет
20/09/2017 13:46
Кошарка
19/09/2017 18:29

Кутињо останува на својот збор, нема да игра за Ливерпул во ЛШ

Кутињо останува на својот збор, нема да игра за Ливерпул во ЛШ

Трансферот на Фелипе Кутињо во Барселона не се оствари, па Бразилецот останува на својата одлука, нема да игра за Ливерпул во Лигата на шампиони, тврдат шпанските медиуми. Кутињо и натаму се надева дека Барселона повторно ќе се обиде да го ангажира, но овој пат во зимскиот преоден рок, па одлуката да не игра за клубот од „Енфилд“ е јасна, за да може да биде достапен на „каталонците“ за нокаут фазата во најелитното клупско натпреварување.

Тоа значи дека најдобриот поединец во екипата на Јирген Клоп, нема да биде во конкуренција за тимот кој ќе настапува против Севилја во среда. Ова е само продолжение на приказната од ова лето, кога под изговор дека е повреден, Кутињо не настапуваше за Ливерпул, а потоа доби повик од репрезентацијата и заигра на двата меча. Не беше во составот и викендов, кога „редси“ доживеаа дебакл од Сити, но Клоп тогаш тврдеше дека се уште не е комплетно подготвен.

Иако германскиот стратег се уште нема потврдено дали Кутињо ќе биде достапен за дуелот со Севилја, доколку е навистина така, тоа само ќе ги разгори шпекулациите околу неговото заминување уште во јануари.

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.