Ланска реприза: „Вардарки“ по одмазда против ЧСМ Букурешт - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
19/08/2017 10:30
Фудбал
18/08/2017 19:45
Фудбал
18/08/2017 11:31
Фудбал
18/08/2017 9:19

Ланска реприза: „Вардарки“ по одмазда против ЧСМ Букурешт

Ланска реприза: „Вардарки“ по одмазда против ЧСМ Букурешт

Среќата повторно му беше наклонета на ЖРК Вардар при денешното извлекување на полуфиналните двојки од фајналфор турнирот од Лигата на шампионите, на кое „вардарки“ за ривал го добија ЧСМ Букурешт. Романскиот тим ќе допатува во Будимпешта како актуелен европски шампион, но во секој случај важеше за најлесен од трите потенцијални ривали на „црвено-црните“, крај Будуќност и Ѓер.

Денешното извлекување имаше идентичен исход како и она ланското, Вардар во првото полуфинале во 15.15 часот ќе се сретне со ЧСМ, за потоа во вториот дуел Будуќност да ги одмери силите со Ѓер.

Само за потсетување, Вардар со фаворитска улога влезе во ланското полуфинале, но неочекувано беше запрен од романскиот состав, кој предводен од извонредната голманка Јелена Грубишиќ славеше со 27-21.

ЖРК Вардар во претходните три години успеваше да стигне до фајналфор турнирот во Будимпешта, но редовно губеше во полуфиналето. Останува да се види дали годинава ќе се направи тој чекор напред, па македонскиот првак ќе заиграво големото финале од Лигата на шампионите.

Полуфиналните натпревари во салата „Ласло Пап“ во Будимпешта ќе се играат на 6 мај, а финалето и мечот за бронзениот медал се закажани за 7 мај.

ДВОЈКИ ЗА ПОЛУФИНАЛЕ

БУДУЌНОСТ – ЃЕР

ЧСМ БУКУРЕШТ – ВАРДАР

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.