Лазаров: Учам француски, во Нант не е сончево како во Македонија и во Барселона... - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
19/10/2017 21:31
Фудбал
19/10/2017 21:09
Фудбал
19/10/2017 20:54
Фудбал
19/10/2017 20:50

Лазаров: Учам француски, во Нант не е сончево како во Македонија и во Барселона…

Лазаров: Учам француски, во Нант не е сончево како во Македонија и во Барселона…

Кире Лазаров е едно од најзвучните засилувања во францускиот ракомет летово, па македонскиот ас во дресот на Нант сосема оправдано се наоѓа во фокусот на вниманието пред стартот на новата сезона. По долги години минати во Шпанија, Лазаров е подготвен за нов предизвик во својата кариера.

Ова е вообичаено лето за мене, со подготовки за новата сезона. Годинава открив нов град, нов тим. Првите впечатоци се позитивни, иако има помалку сонце од Македонија или од Барселона. Сепак, задоволен сум, се се одвива според очекувањата. Се уште треба да научам француски бидејќи за да функционираш во тим неопходно е да го зборуваш истиот јазик со соиграчите. Адаптацијата оди според планот, со Гурбиндо се знам од Барселона, исто како и со Давид Балагуер, а одлично функционирам и со соиграчите од балканските земји“ – вели Лазаров во разговор за официјалната веб-страница на француската лига.

lazarov pehar nant

Тој не го крие задоволството што авантурата во Франција ја стартува со титула во „Францускиот трофеј на шампионите“.

Тоа беше како сон, бидејќи за 24 часа го победивме најпрвин Монпелје, а потоа и ПСЖ, кој е голем фаворит за титулата во Франција, но и во Лигата на шампионите. Во домашното првенство ќе имаме многу потешки дуели отколку што имав во Шпанија, но како професионален спортист секогаш сакам да играм со посилни ривали. Конкуренцијата е силна, ПСЖ е голем фаворит, а ние имаме добар тим како Монпелје или Сан Рафаел. Сепак, веќе освоивме еден трофеј и тоа ќе ни овозможи да играме без притисок“ – вели Лазаров.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.