Голден стејт стигна до убедлива победа на гостувањето против Орландо со 112-133. Гостите од самиот почеток се стекнаа со предност, која ја одржуваа до саммиот крај на натпреварот.
Воините до победата ги предводеше Клеј Томпсон со 27 поени, додека на спротивната страна најдобар поединец беше Арон Гордон со 29 поени.
Вашингтон славеше против Детроит со 109-91, предводен од Маркиф Морис кој мечот го заврши со 23 поени. Кај гостите добра партија пружи Тобиас Харис кој броеше до 15.
Српскиот репрезентативец Богдан Богдановиќ ја имаше партијата на кариерата откако пристигна во НБА лигата, донесувајќи за Сакраменто нова драматична победа од 107-106 против Чикаго.
Откако претходно имаше поени за триумф и над шампионот Голден стејт, сега Богдановиќ им пресуди и на Булси од линијата за слободни фрлања. За 30 минути игра постигна 19 поени, дополнети и со 4 асистенции, три скока и украдена топка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
